Müğənni Sevda Yəhyayeva hər zaman fərqli stili ilə diqqət çəkir. İfaçı hər zaman öz üzərində çalışdığını və güclü komanda ilə birgə fəaliyyət göstərdiyini qeyd edib:
"Hər zaman öz üzərimdə çalışıram. Yenilik etməyi xoşlayıram. Ətrafımda çalışan insanların rəyi daim mənim üçün önəmlidir. Müxtəlif cür konsertlər vermişəm. Hər zaman da səhnəyə fərqli libaslarda çıxmışam. İstəmişəm ki, tamaşaçı üçün hər zaman maraqlı olam".
"Sonuncu fotosessiyanız çox təəccüb və maraqla qarşılandı. Sevda fotosessiyalarda hər zaman qapalı geyinirdi, birdən-birə nə oldu belə?" sualına müğənni belə cavab verib:
(gülür-red) Əslində o fotosessiyada ilk dəfə açıq-saçıqlıq oldu. Fotoqraf belə məsləhət bildi. Mən də razılaşdım. Ortaya fərqli iş çıxartdıq. Amma həqiqətən o fotosessiya əməlli-başlı səs-küyə səbəb oldu".