"Haqqımda o qədər axmaq, mənasız, əsassız söhbətlər, sözlər var ki... Onlara cavab vermək istəmirəm. Əvvəl deyirdilər ki, sən demə, ərim böyük qardaşım imiş. İndi deyirlər, sosial şəbəkələrdə yazırlar ki, pul və varidat üçün ikinci dəfə ərə getmişəm. Hamısı yalandır".

Milli.Az Hürriyet-ə istinadən bildirir ki, "Evleneceksen gel" izdivac proqramına qatılandan sonra məşhurlaşan Neslihan Altun bu gün İnstagram profilində belə yazıb.
33 yaşlı Neslihan Altun İstanbul sakinidir, ilk nikahından iki övladı var. O, ərindən boşanandan sonra bir neçə il övladlarını tək böyütmüşdü. Sonra "Evleneceksen gel"ə qatılan N.Altun ikinci dəfə ərə getmişdi.
Seda Sayan və Uğur Arslanın aparıcılıq etdikləri "Evleneceksen gel" proqramı Star TV-dən Show TV-yə transfer edib.