Eurovision 2012-nin qalibi olan Lorin (Loreen) 1983-cü il, oktyabrın 16-da Stokholmda doğulub. Əsl adı Lorine Zineb Noka Talhaouidir.

Əslən Mərakeşli olan Lorin İsveçin "İdol 2004" müsabiqəsindən populyarlıq qazanıb. İlk mahnısını 2005-ci ildə təqdim edib. Bir müddət televiziyada aparıcı olub. 2011-ci ildə "My Heart is Refusing Me" mahnısı ilə İsveçin Milli Seçimlərində iştirak edib. Lakin İsveçi Avropanın ən nüfuzlu Mahnı Müsabiqəsində təmsil etmək arzusu 2012-ci ildə reallaşıb və ən yaxşı seçilib.

O, özünü anladaraq belə söyləyir: "Mən tənhalığı sevirəm və gündəlik məlumatlarla yüklü həyatdan kənara çəkilirəm. Televizorum yoxdur. Təkcə kompyüterim var. Ondan da elektron poçta baxmaq və musiqi proqramları üçün istifadə edirəm. Mən həqiqətən də yaşadığımız rəqəmsal bir dövrdə qeyri-adi insanam. Çalışdığım insanlar Facebook sosial şəbəkəsində olmadığıma görə mənə nifrət edirlər".