Sevdiklərimizin doğum günlərində onları sevindirmək üçün  əlimizdən gələni əsirgəmirik.

Türkiyənin Muğla bölgəsində bir qadın 32 illik həyat yoldaşına etdiyi hədiyyə ilə xəbər mövzusuna çevrilib. Həyat yoldaşına doğum günündə böyrəyini hədiyyə edən qadın, həyat yoldaşına bağışladığı bu hədiyyə ilə onu yenidən həyata qaytarıb.

58 yaşlı Halidun Dağlı 2005-ci ildən böyrək çatışmazlığından əziyyət çəkirdi. Donor tapa bilməyən Halidun orqan gözləyənlər siyahısına üzv olsa da,  onun dərdinə dərman olacaq böyrək tapılmammışdı. Son yoxlamalar zamanı həkimlər onun vəziyyətinin daha da kritikləşdiyini deyiblər. Həyatdan əlinin tam üzən Halidun artıq ölüm haqqında düşündüy bir vaxt onun yardımına həyat yoldaşı Əminə Dağlı çatıb.

Həyat yoldaşı üçün sürpriz doğum günü mərasimi təşkil edən Əminə Dağlı böyrəyini hədiyyə etmək haqqında olan qərarını da burda açıqlayıb. O, öz böyrəyini 32 il bir yerdə yaşadıqları həyat yoldaşına hədiyyə edib.