Rusiyanın paytaxtı Moskvada tanınmış PR mütəxəssislərindən biri sayılan İqor Bulqaçov cinsini dəyişərək qadın olub.
O, indi Ulyana Romanovadır.
İqor Bulqaçov qadına çevrilmək üçün 15 plastik cərrahiyyə əməliyyatına məruz qaldığını deyib.
"Bunu sevgilim üçün etdim. Onu çox sevirəm və qadına dönərək sevgilimin yanında həmişə qalmaq istəyirəm. Əslində, 5 yaşımdan bəri özümü qız kimi hiss edirdim. Özümü əla hiss edirəm. Sevdiyim şəxs də məni dəstəkləyir", - əvvəl kişi, indi qadın olmuş "İqor-Ulyana" deyib.
Onun dediyinə görə, sevgilisi evlidir, uşaqları var və arvadından boşanmaq niyyətində də deyil. Buna rəğmən, "İqor-Ulyana" sevgilisindən ayrılmaq niyyətində deyil: "Onun boşanmasını istəmirəm. Ailə həyatına hələ hazır deyiləm. Mənimçün ən mühüm olan məsələ hələlik işim, karyeramdır".