Məşhur cütlük Castin Timberleyk və Cesika Bil yeni doğulmuş körpələrinin şəklini paylaşıblar.
Castin Timberleyk şəkli öz tvitter hesabında paylaşıb. Sevincini isə "Timberleyklər hazırdır! İrəli!" sözləri ilə ifadə edib.
Şəkildə Saylas adı verilən körpə oğlan anasının qucağındadır. Mavi gözlü gülümsəyən uşaq qısa müddətdə Castin Timberleyk izləyicilərinin rəğbətini qazanıb.
Xatırladaq ki, ifaçı Castin Timberleyk və Hollivud aktrisası Cesika Bil cütlüyü 2012-ci ildə ailə qurub. Bu ilin aprel ayının əvvəllərində isə cütlüyün oğlu olub. Onlar övladlarının adını Saylas Randal Timberleyk qoyublar.