41 yaşlı britaniyalı dizayner Viktoriya Beckham xeyriyyə məqsədilə 4 yaşlı qızı Harperin brend geyimlərini satışa çıxarıb.
"Save the Children's Fashion Saves Live sale” xeyriyyə hərracında balaca Harperin Gucci, Stella McCartney, Chloe, Ralph Lauren, Marc Jacobs kimi markalardan olan 25 geyimi satılacaq. Paltarların hər birinin qiyməti 500 funt-sterlinq təşkil edir.
Qadınlar.Biz xəbər verir ki, Viktoriya bu addımı ilə ehtiyacı olan uşaqlara yardım edəcəyini bildirib: "Ehtiyac içində yaşayan uşaqlara dəstək olmaqdan şadam. Hər birimiz onların həyatında mühüm rol oynamalıyıq, onlara xoşbəxt gələcək bəxş etməliyik".