Məşhur rusiyalı maqnat, "Russneft" rəhbəri Mixail Qutseriyev ikinci oğlu Səidə Londonda növbəti dəfə toy mərasimi keçirib.
28 yaşlı bəylə 20 yaşlı gəlin, əslən İnquşetiyadan olan Xədicənin ikinci dəfə keçirilən toylarına yalnız ailə üzvləri və yaxın dostları qatılıb. Gəlinin mərasimdən çəkilmiş fotoları artıq sosial şəbəkələrdə yerləşdirilib.
Moskvadakı toyuna "Ellie Saab"dan olan, 20 milyon rubl dəyərində uzun gəlinlik geyinən Xədicə bu dəfə olduqca sadə libas geyinib.
Qeyd edək ki, Moskvadakı toya ailənin təkcə qohumları və dostları deyil, həm də dünyaca məşhur ulduzlar - Elton Con, Cennifer Lopez, Stinq, Patrisiya Kaas, Beyons, Enrike İqlesias və başqaları qatılıb.