Telefon tutulması hər birimizin texnologiya sahəsində ortaq problemlərimizdən biridir. Bu yazıda telefonun tutulma səbəbləri və onun həll yollarına toxunulmuşdur.
- Telefonun başlıca tutulma səbəblərindən biri - onun yaddaşının tam dolu olmasıdır. Telefon yaddaşı dolu olduqda bu, telefonun rahat işləməsini ləngidir. Bu məsələnin həlli üçün boşalda bildiyiniz qədər telefonun yaddaşı boş olmalıdır. Bunun üçün 8 GB boş yerin olması daha yaxşıdır. Əgər yaddaş təmizlənmirsə, USB vasitəsilə kompüterə taxaraq təmizləyin.
ANN.Az deyerler.org-a istinadən bildirir ki, telefonun mağazasından yükləmələr zamanı daha çox rəsmi proqramlara üstünlük vermək lazımdır. Yüklədiyiniz proqramdan sonra telefonun tutulma halları baş verirsə, həmin proqramı telefondan təmizləyin. - Əməli yaddaşı (RAM) daim təmizləmək. Bəzən əməli yaddaşı təmizləmək unudulduğundan, bu, telefonun tutulmağına səbəb olur. - Telefonun enerji səviyyəsinin 50%-dən yuxarı olmasına diqqət edin. Enerji səviyyəsi çox aşığıdırsa, telefonunuzu ən azı 30 dəqiqə enerjiyə taxın. - Telefona versiya yenilənməsi gəlmişdirsə, telefonu yeniləyin. Yeni versiyada tutulma problemlərinin çoxu aradan qalxır. - İri həcmli proqramların bir neçəsini eyni anda işlətmək və ya onları açıq saxlamaq telefonun tutulmasına səbəb olur. - Telefonunuza digər modellərin enerji vasitəsinə taxmayın. Çünki, bu halda telefon rahat işləmir və tutulur. - Telefonda olan proqramlardan düzgün istifadə etmək lazımdır. Məsələn: işlətdiyimiz proqram cəmi 7 şəkil göndərməyə icazə verirsə, biz bundan artıq göndəririksə, telefon bu halda tutulacaq. - Suya davamı olmayan telefonların üzərinə su töküldükdə, bəzən özmüz belə bilmədən telefonun tutulmasına səbəb olur. Ümumiyətlə telefonunuzu su və nəmişlik olan yerdə saxlamaqdan çəkinmək lazımdır. - Telefonu digər modellərin proqramı ilə işlətməyin. Məsələn: digər modelə aid olan tema və ya klaviatura ilə işlədilməsi tutulmaya yol aça bilər. - Hər hansı bir yerdə rastlaşdığımız reklamları açmaq telefon üçün böyük təhlükədir. Belə ki, həmin reklamların içində ciddi viruslar ola bilər və bu da telefonun rahat işləməsinə maneçilik yaradar. - İnternetdə olan zaman tutulmalar yaranırsa, mobil datanı və ya wi-fi söndürüb, bir neçə dəqiqə sonra yandırmaq. Yuxarda sadaladığımız səbəblərdən əlavə, bəzən bizdən asılı olmadan və səbəbini bilmədiyimiz ciddi tutulmalar olduqda, aşağıdakıları etmək tövsiyə olunur: - Telefonun aşağı səs səviyyəsi düyməsini və kilid düyməsini eyni zamanda basılı saxlayın. - Telefonunuzu söndürüb, yenidən yandırın. - O telefonlar ki, batereyası çıxarıla bilir, çıxartmaq və yenidən taxmaq. - Telefonu söndürüb, bir neçə dəqiqə gözlədikdən sonra enerjiyə taxmaq.