İranda 6 yaşlı qız uşağını oğurlamaqda, onu zorlamaqda və qətlə yetirməkdə günahlandırılan cinayətkar edam edilib.

Sfera.az teleqraf.com-a istinadən xəbər verir ki, Səid adlı 34 yaşlı şəxs bu ilin iyun ayında İranın Neyriz şəhərində qonşularının 6 yaşlı qızını küçədən oğurlayıb, evinə aparıb. O, qıza işgəncə verib, onun əl-qolunu sındırdıqdan sonra qulağındakı sırğalarını oğurlayıb, onu zorladıqdan sonra qətlə yetirib, meyidini isə torba içində motosikletlə şəhərdən çıxarıb, qazdığı çuxurda basdırıb.

Qatil hadisədən 12 saat sonra ətraf kəndlərdən birində yaxalanlıb. O, Neyrizdə ictimaiyyətin gözü qarşısında dar ağacından asılıb. Edam mərasiminə qətlə yetirilən uşağın valideynləri də qatılıblar.