Britaniyalı gimnast Luis Smitin İslam dininə lağ etməsi ona baha başa gəlib. Publika.az Türkiyə mətbuatına istinadən xəbər verir ki, İngiltərənin “San” qəzeti İslam dininə lağ edən idmançının görüntülərini yayandan sonra sponsor onunla anlaşmanı ləğv edib. Rio-2016-da da iştirak edən Smitin bu hərəkəti ciddi tənqidlə qarşılanıb. Düzdür, sonradan Smit sosial şəbəkə vasitəsiylə üzrxahlıq etsə də, artıq gec idi. Gimnastın sponsorlarından biri “Milano Pro Sport” görüntülər yayılandan sonra onunla işbirliyinə xitam verib.