"Çıxarın, hamısını çıxarın! Baxın, sizi çəkirəm, sonra da bu videonu paylaşacağam. Qoy hamı sizi tanısın!"

Bunu deyən dükan sahibi qarşısında durmuş iki qadını tələsdirir.

Milli.Az El Mundo-ya istinadən bildirir ki, olay Braziliyanın Amazonas ştatının inzibati mərkəzi Manausdakı marketlərdən birində yaşanıb.

İki qadın marketə girəndən sonra piştaxtadan götürdükləri ərzaqları tumanlarına doldurublar və sonra da heç nə olmamış kimi sakitcə dükanı tərk etmək istəyiblər.

Lakin marketin sahibi bunu görüb, qadınları tumanlarına doldurduqları ərzaqları kamera qarşısında çıxarmağa vadar edib.