Əkiz bacılar Sevil və Sevinc aparıcısı olduqları verilişdə canlı yayımda təhqiramiz ifadələr işlədib. Efirdə pul cırdıqdan sonra tənqid hədəfinə gələn bacılar ikinci dəfə öz hərəkətləri ilə gündəmə gəliblər.

BiG.AZ xəbər verir ki, gənc gitarist – müğənni Çingiz Mustafayevi verilişlərinə dəvət edən bacılar onu təhqir ediblər.

Həmin videogörüntünü sizə təqdim edirik.

Bu sözlərdən sonra efirə daxil olan müğənni heç nə olmamış kimi aparıcılarla görüşüb.
Çingiz Mustafayev məsələyəl bağlı AZXEBER.COM-a açıqlama verib. O deyib ki, o sözü efirə gələrkən eşitməyib: “Mən bacılarla yaxşı münasibətim var. Belə deyəcəklərinə inanmıram. Ola bilər ki, yanlışlıq olub. Mən gərək bu görüntülərə yenidən baxım”
Məsələ ilə bağlı Milli Tele Radio və Yayım Şurasının şöbə müdiri Təvəkkül Dadaşov faktı təstiq edərək bildirib ki, qurum məsələdən xəbərdardır.
“Bizim əməkdaşlarımız hazırda həmin kadrları araşdırır. Araşdırma yekunlaşmamış mətbuata nəticələri barədə heç bir açıqlama verə bilmərik. Məsələ araşdırılacaq və müvafiq tədbirlər görüləcək”.