Zərdab Rayon Təhsil Şöbəsi Şahhüseynli kənd tam orta məktəbi direktorunun şagirdinə təcavüz etməsi ilə bağlı məsələyə münasibət bildirib.

Təhsil şöbəsindən teleqraf.com-a verilən məlumata görə, Zərdab Rayon Təhsil Şöbəsi müdirinin müvafiq əmri ilə Şahhüseynli kənd tam orta məktəbin direktoru vəzifəsi həvalə olunan Şirəliyev (Tofiqli) Ceyhun Hafis oğlu noyabrın 14-də saat 23.00 radələrində həmin məktəbin 11-ci sinif şagirdi, 1999-cu il təvəllüdlü Abduləliyeva Nərgiz Rəmzi qızı ilə onun yaşadığı evin həyətində söhbət edərkən anası görüb və bu barədə Zərdab Rayon Polis Şöbəsinə məlumat verib:

"Şagirdin valideynlərinin şikayəti əsasında Ceyhun Şirəliyev Rayon Polis Şöbəsinin əməkdaşları tərəfindən saxlanılıb, amma haqqında cinayət işi açılmayıb. Hazırda iş Rayon Prokurorluğunun nəzarətindədir və bununla bağlı araşdırma aparılır.

Abduləliyeva Nərgiz Rəmzi qızı tibbi müayinədən keçirilib və ona heç bir təcavüz halının olmadığı müəyyən edilib".