Müğənni Alaaddin Us keçirdiyi yol qəzası nəticəsində dünyasını dəyişib.

Oxu.Az-ın Türkiyə mətbuatına istinadən verdiyi məlumatına görə, qırmızı işıqdan keçən yük avtomobili ifaçının avtomobilinə çırpılıb. 60 yaşlı A.Us xəstəxanaya çatdırılsa da vəfat edib. Sərnişinlərdən 41 yaşlı Olgun Özdemir və 42 yaşlı Sevinç Öztürk ağır yaralanıblar.

Hadisəni törədən sürücü polisə ifadəsində avtomobilin sürəti çox olduğundan onu dayandıra bilmədiyini və qırmızı işığı keçdiyini söyləyib.

Faktla bağlı cinayət işi açılıb.