Türkiyənin Adana şəhərində bədbəxt hadisə baş verib.

Milli.Az "Haberler"ə istinadla bildirir ki, 17 yaşlı Deniz Anatça pəncərə silərkən 5-inci mərtəbədən yerə yıxılıb. O, həyatını itirib. Qızın ailəsi şok keçirib.

Ərəb əsilli qadının dəfn mərasimi fərqli formada baş tutub. O, ailə qurmadan həyatdan köçdüyünə görə Denizin dəfn mərasimində balaban çalınıb. Onun tabutunun üstünə gəlinlik örtülüb. Cənazə namazı qılındıqdan sonra mərhumun cənazəsi zurna balabanla qəbirstanlığa aparılıb. Qızın cəsədi gəlinliklə dəfn edilib.