Aktyor Serdar Gökhan və həyat yoldaşını telefonla təhdid edib təcavüz xarakterli ismarıclar göndərən 17 yaşlı qızın ailəsi yalvarıb-yaxararaq şikayətdən imtina etmələrini istəyib. Bundan sonra yumşalan Gökhan geri addım atıb və istintaq bağlanılıb.

Milli.Az Haberler-ə istinadən xəbər verir ki, Gökhanın sosial şəbəkə hesabını oğurlayan 17 yaşlı qıza qarşı cütlük iddia qaldırmışdı. Serdar Gökhanın adına qurulmuş fan klubun sahibi 17 yaşlı B.M. məşhur aktyorun yoldaşı Şükran Gökhana zəng edərək köhnə fotolarını istəyb. Şükran Gökhan qızın bu istəyindən imtina etməyib və yoldaşının fotolarını göndərib.

Ancaq iddiaya görə, qısa müddət sonra 17 yaşlı qızın başqa istəkləri ortaya çıxmağa başlayıb və Şükran Gökhana daha tez-tez zəng etməyə başlayıb. Bu vəziyyətdən narahat olan Gökhan lazımlı xəbərdarlıqları etsə də, gənc qız əlverişsiz saatlarda zəng etməyə davam edib. Mübahisə yarandıqda isə Şükran Gökhanın sosial şəbəkə hesabı oğurlanıb. Buradan cinsi məzmunlu görüntülər və videolar paylaşılıb. Şikayət sonrası başladılan istintaq zamanı hesabın B.M. tərəfindən oğurlandığı təsbit edilib.