“Azərbaycanda sırf virtual danışıqlarına görə həyat yoldaşından boşanan xanımlar da olub”.

Bu sözləri Metbuat.az-a virtual xəyanət mövzusu ilə bağlı açıqlamasında vəkil Asif Abdullayev bildirib. Onun sözlərinə görə, son dövrlər virtual xəyanətə görə boşanan ailələrin sayı artıb:

“Sosial şəbəkədə xəyanətlə bağlı dəfələrlə müraciət edənlər olub. Bəziləri bu məsələdə sadəcə şübhələndiyini bildirsələr də, bəziləri həyat yoldaşlarını sosial şəbəkədə başqa xanımlarla danışan zaman yaxaladığını deyib. Sosial şəbəkədə xəyanətlə bağlı kişilər də bizə müraciət edib. Hətta onların arasında real həyatda münasibəti olmayan, sırf virtual danışıqlarına görə həyat yoldaşından boşanan xanımlar da olub”.