Tənbəllər, tələbələr, heç vaxtı olmayan işgüzarlar üçün əla reseptdir.

Ərzaqlar:

Un – 9 x.q.
Yumurta – 2 ədəd
Mayonez – 4 x.q.
Xama – 4 x.q.
Kolbasa – 100 qr.
Pomidor – 1 ədəd
Holland pendiri – 150 qr.
Duz – zövqə görə

Hazırlanması:

Balaca bir qabda un, yumurta, xama, mayonez və duz qarışdırılır. Qatı xama kimi xəmir alınacaq.
Tavanı orta odun üzərinə qoyuruq, azca bitki yağı süzürük. Xəmiri tavaya tökürük, dərhal üzərinə sürtgəcdən keçirilmiş pendiri, dilimlənmiş kolbasa, pomidoru düzürük. Ən sonda yenə üstə pendir səpirik. 3 dəqiqə ağzı açıq halda bişiririk. Sonra odu zəiflədib, qapağını örtürük və pendir əriyənə kimi bişiririk. Pendir əriyən kimi pizzamız hazırdır. Nuş olsun!