Türk mətbəxinin ləziz yeməyi - Qarnıyarıq resepti

Müəllif: Love Angel
Şərhlər: 5
Baxılıb: 379
Səs ver:
(səs: 0)
Türkiyə mətbəxinin dadalı təamlarından olan "qarnıyarıq” hazırlamağın qaydasına baxaq.

Adından da göründüyü kimi badımcanların qarnını yarıb onları pomidor, bibər, göyərti və sarımsaqla qarışdırılmış ət içliyi ilə doldururuq.
Bu yemək bizim badımcan dolmasını xatırladır, amma içliyi və hazırlanma qaydası bir az fərqlidir.

Tərkibi:
• 2 badımcan
• 200 qram quzu ətindən quşbaşı
• 2 yemək qaşığı kərə yağı
• 2 yemək qaşığı zeytun yağı
• 1 ədəd qırmızı soğan
• 2 diş sarımsaq
• 1 ədəd şirin bibər
• 1 yemək qaşığı tomat
• 1 yemək qaşığı bibər pastası
• 12 stəkan su
• 12 doğranmış pamidor
• Təzə nanə
• Təzə cəfəri
• Üyüdülmüş qara istiot
• 14 çay qaşığı darçın
• Duz

Üstü üçün (zövqə görə):
Pomidor dilimləri
Balaca acı, yaxud şirin yaşıl bibər

Sousu üçün:
2 xörək qaşığı tomat pastasını yarım stəkandan bir az çox suda həll edin.

Hazırlanması:
Badımcanları yuyub qulplarını kəsin (əgər qulpları təmiz və qəşəngdirsə onları saxlaya da bilərsiniz). Badımcanları elə soyun ki, üstündə qalın qara zolaqlar qalsın. Sobanı 200 dərəcəyə qədər qızdırın. İri bir list götürüb içinə perqament kağızı döşəyin. Badımcanları perqament kağızın üzərinə düzüb, fırçayla hər tərəfinə zeytun yağı çəkin. Badımcanları sobanın orta gözündə tam yumşaq olana qədər, təxminən 30 dəqiqə bişirin. Diqqətli olun, çünki badımcanlar əzilib püreyə dönməməli, öz gözəl formalarını saxlamalıdır (içi doldurulandan sonra yenə bişəcək). Sobadan çıxarıb soyumaq üçün kənara qoyun.
Badımcanlar soyuyana qədər siz içliyi düzəldin. Orta ölçülü tavada orta temperaturda yağı qızdırın. Əti əlavə edib, arabir qarışdıra-qarışdıra, ayrılmış suyu buxarlanıb qurtarana, ət qızılı rəng alana qədər təxminən 10 dəqiqə bişirin. Soğanı əlavə edib, arabir qarışdıraraq, soğan yumşalana qədər, təxminən 5 dəqiqə bişirin. Yaşıl bibəri əlavə edib, iki-üç dəqiqə də bişirin. Pomidor və tomat pastasını əlavə edin. Bir neçə dəqiqə də bişirin. Sarımsaq, zövqə görə duz və istiot əlavə edib qarışdırın və dərhal odun üstündən götürün. Otaq temperaturuna qədər soyudub cəfəri əlavə edin və qarışdırın.

Badımcanların içini doldurun: İti bıçağın köməyilə hər badımcanı ortadan uzununa yarın. Yarıq ağ zolağın üstündə olmalıdır. Diqqətli olun ki, badımcanları tam kəsməyəsiniz, bu yalnız yarıq olmalıdır. Əgər istəsəniz, badımcanın toxumlarını çıxara bilərsiniz (əgər onların acılıq verəcəyindən narahatsınızsa), ya da olduğu kimi saxlayın. Hər badımcanı içliklə doldurun. İçi doldurulmuş badımcanları soba üçün olan iri şüşə qaba qoyun. Badımcanları bir-birinə çox sıx qoymayın. İstəsəniz, hər badımcanın üstünə bir dilim pomidor və balaca yaşıl bibər qoya bilərsiniz.

Badımcanları bişirin: Tomat pastalı sousunuzu badımcanları düzdüyünüz qaba tökün. Sobanın orta gözündə 190 dərəcə selsidə 20-25 dəqiqə, yaxud badımcanlar yumşalana və sous yüngülcə qatılaşana qədər bişirin. Əgər bişirmə müddətində sous çox tez buxarlanıb yoxa çıxsa, bir az da sous düzəldib qaba əlavə edin. Hazır yeməyin bir az sousu olmalıdır ki, yeməyi boşqaba çəkən zaman o sousdan qaşıqla götürüb boşqaba qoya biləsiniz.

Nuş olsun!

(səs: 0)
Şərhlər: 5
Baxılıb: 379
Geriyə
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Offline
Selena.
Qarnı yarıq gözəl yeməkdir məlumatınız üçün təşəkkür edirəm
10 avqust 2019 17:19
5
Offline
Meleknur
Belə baxanda bizim badımcan dolması kimidi dolmanı tərcih edərəm mən ))
8 avqust 2019 14:20
4
Düşdüyündə ümidini, qalxdığında insanlığını itirmə!
Offline
BakılıQız
Men hazirlamisam bunu, cox dadlidi.
8 avqust 2019 14:12
3
hahahah Gül və güldür hahahah
Offline
BARBI
Beyendim.Turk yemeklerini xoslayiram
8 avqust 2019 13:46
2
Canımı yaktıktan sonra, hiç birşey olmamış gibi helallik isteyenler! Cehennemde yandığınızı görsem üzerinize benzin dökerim... !
Online
diablo
Yəqin dadı yaxsi olar.Bizim yeməklərin dadini verməz ancaq.Təşəkkür canım
8 avqust 2019 13:02
1
......

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.

Müzakirələr

Azərbaycanım

Xəbər lenti

Astrologiya

Ən çox oxunanlar

Səsvermə

Bəs sizin bürcünüz nədir?

Qoç
Buğa
Əkizlər
Xərçəng
Şir
Qız
Tərəzi
Əqrəb
Oxatan
Oğlaq
Dolça
Balıqlar

 
 

Qadın testləri