Tərkibi:
duz
qara istiot
3 reyhan yarpağı
2 bişmiş kartof
2 x.q. bitki yağı
2 x.q. narın suxarı
4 diş sarımsaq
500 q bişmiş mal əti
150 q rikotta (süd məhsulu, bəzən pendirlə eyniləşdirirlər)
2 yumurta

Hazırlanması:
Kartofu qabıqlı bişirin. Qaynar-qaynar qabığını soyun, püre hazırlayın. Reyhan yarpaqlarını xırda doğrayın. Sarımsağı təmizləyib xırda doğrayın.

Bişmiş mal ətini xırda doğrayın (bu zaman yağını və piyini ayırın). Kartof, yumurta və rikotta ilə qarışdırın. Sarımsaq, göyərti, duz, istiot vurub yenə qarışdırın.

Yumru polpettalar (kotlet) hazırlayın, suxarıya batırıb qaynar yağda hər tərəfini 5 dəqiqə qızardın.

Nuş olsun!