Tərkibi:
Sümüksüz quzu əti-1 kq
Baş soğan- 4-5 ədəd
Yumurta-3 ədəd
Ərinmiş kərə yağı- 250qr
Zirinc-200qr
Sirkə,duz,istiot, cəfəri zövqə görə
Hazırlanması:
Quzu ətini duz və istiotlayıb üzərinə bir qədər sirkə çilədikdən sonra 3-4 saatlığa soyuducuya qoyuruq.
Sonra əti çıxarıb çəkir,üzərinə çiy yumurta əlavə edib qarışdırırıq.
Alınan qarışıqdan orta ölçülü küftələr hazırlayırıq. Küftələri bitki yağında qızardırıq.
Qızartmanı başa çatdırdıqdan sonra küftələri tavadan çıxarıb, elə həmin yağda 20-25 dəqiqə ərzində zirinci pörtlədirik.
Zirincin üzərinə xırda doğranmış baş soğanı əlavə edib daha 10 dəqiqə pörtlədirik. Küftələri süfrəyə verərkən onları soğanlı zirinclə bəzəyirik.