Tərkibi:
kəvər - 500 qr.
kartof - 500 qr.
soğan - 1 baş
göy soğan - 50 qr.
toyuq bulyonu - 1 l
kərə yağı - 100 qr.
qaymaq - 200 ml
duz - zövqə görə
istiot - zövqə görə
Hazırlanması:
1. Dərin qazanda kərə yağını əridin, xırda-xırda doğranmış soğan əlavə edib yumşalana kimi qızardın.
2. Xırda-xırda doğranmış kəvər əlavə edin, kəvər yumşalana kimi qızardın. Sonra dördbucaq formada doğranmış kartof və bulyon tökün. Şorba qaynara düşdükdən sonra duz, istiot vurub, vam alovda yarım saat bişirin.
3. Hazır şorbanı püre halına düşənə kimi soyuq qaymaqla blenderdə çalın. Şorbanı daha da zərif etmək istəyirsinizsə aşsüzəndən keçirə bilərsiniz. Soyudub üzərinə xırda-xırda doğranmış göy soğan səpib süfrəyə verin.
Fransızlar adətən Vişisuaz şorbasını tərkibində sarımsaq, xırda-xırda doğranmış şüyüd, limon suyu və zeytun yağı olan krevet salatı ilə verir.