Tərkibi:
0,5 st. buğda unu
0,5 st. mannı yarması
1 çimdik zəfəran
1 x.q. limon şirəsi
3-4 x.q. qəhvəyi şəkər tozu
bitki yağı (qızartmaq üçün)
200 q yulaf lopası (yaxud 1 st. qarışıqsız yoqurt)

Hazırlanması:
Əvvəlcə "yulaf südü" hazırlayın. Bunun üçün yulaf lopasının üzərinə 1,5 l su töküb bir gecə saxlayın. Sabahı gün cunadan süzün. 1 st. yulaf südü gərək olacaq.

Mannı və unu qarışdırın, duz, 1 x.q. bitki yağı, az-az yulaf südü əlavə edin. Xəmir duru olmalıdır. Yulaf südü yerinə yoqurt götürə bilərsiniz.

Tavada bitki yağını qızdırın. Konditer şprisinə xəmiri doldurun, xırda ucluq taxın.

Qızmış yağa xəmiri spiral formasında salın. Bunu sürətlə etmək lazımdır.

Hər iki üzünü qızılı rəng alanadək qızardın.

Zəfəran şərbəti: 1 çimdik zəfəranın üzərinə yarım stəkan qaynar su töküb dəmləyin. Süzün, 1 x.q. limon şirəsi və qəhvəyi şəkər əlavə edin. Qarışdırın.

Calebiləri bu şərbətə batırın.

Nuş olsun!