Tərkibi:
1 st. uzun düyü
100 q şirin bibər
100 q qarğıdalı konservi
100 q göy noxud konservi
100 q yaşıl maş lobyası
100 q yerkökü
1/4 ç.q. zəncəfil tozu
1/4 ç.q. muskat cevizi
2 ç.q. qara istiot (sevmirsinizsə, qədərini azaldın)
2 x.q. zeytun yağı
duz
Hazırlanması:
Düyünü duzlu suda bişirib süzün.
Yerkökünü
kubik, bolqar bibərini xırda doğrayın. Dərin tavada yağı qızdırın, orta
itilikli odda bütün tərəvəzi qovurun. Duz, muskat cevizi və zəncəfil
vurun, yumşalanadək, təxminən 20 dəqiqə qarışdıraraq bişirin.
Tərəvəz qarışığı hazır olanda bişmiş düyünü və qara istiotu əlavə edin, bir neçə dəqiqə bişirin, arada qarışdırın.