Tərkibi:
250 q balıq qiyməsi
1 baş soğan
3-4 x.q. narın suxarı
300 ml 30%-li qaymaq
50-100 q pendir
brokkoli (zövqə görə)
duz
ağ istiot

Hazırlanması:
Qiyməyə ət maşınından keçirilmiş, yaxud xırda doğranmış baş soğan, narın suxarı, duz-istiot qatıb yoğurun. Lazım gələrsə, suxarının qədərini artırın. Küftə tutun.
Brokkolini budaqlarına ayırın.
Küftələri xırda formalara, yaxud bir iri siniyə düzün, 200 dərəcə qızdırılmış sobada 5 dəqiqə bişirin.

Sous: kasada qaymaq, sürtgəcdən keçirilmiş pendir, duz-istiotu qarışdırın.

Formaları (yaxud formanı) sobadan çıxarın, küftələrin arasına brokkoli düzün.
Üzərinə sousu töküb 180-190 dərəcə qızdırılmış sobada 20 dəqiqə bişirin.


Nuş olsun!