Tərkibi:
1 kq duzlu kələm
500 q təzə kələm
1 iri baş soğan
1 kq hisə verilmiş ət - toyuq əti, kolbasa və s.
250 ml tomat şirəsi
duz
qara istiot


Hazırlanması:
Duzlu kələmi soyuq su ilə yuyun, süzün.


Soğanı doğrayın.


Hisə verilmiş əti doğrayın.


Tavada quyruğu, yaxud yağı (bitki yağı da olar) əridin. Soğanı orta itilikli odda daim qarışdıraraq təxminən 5 dəqiqə qovurun.


Bunu qazana yığın. Tavaya hisə verilmiş əti yığıb qarışdıraraq 5 dəqiqə qovurun.


Qazana, soğanın üstünə əlavə edin, duzlu və təzə kələmi, tomat şirəsini də töküb qarışdırın.


Vam odda kələm yumşalanadək, təxminən 20-30 dəqiqə bişirin. Duz və istiotunu zövqünüzə görə vurun.


P.S. Əslində, bu, biqosun tezləşdirilmiş variantıdır. Əslində onu 3 günə hazırlayırlar, ərzaqları tavada qovurandan sonra bir gecə soyuducuda saxlamaq lazımdır. Özü də hər gün çıxarıb yenidən qovurub, soyuducuya qoyurlar.

Nuş olsun!