Tərkibi: 1 iri badımcan 300 q qiymə 1 dəstə göy soğan 1 ç.q. küncüt 1 x.q. küncüt yağı 1 x.q. soya sousu duz istiot bitki yağı (qızartmaq üçün)
klyar: 1 yumurta 100 ml su 100 q un
Hazırlanması: Əvvəlcə badımcanı hazırlamaq lazımdır. Bunun üçün onu eyni hündürlüklü iki lövhənin arasında yerləşdirin. İti bıçaqla 5 mm qalınlıqda dilimləyin (lövhələr sonadək kəsim etməyə imkan verməyəcək və "qarmon" alınacaq). Bundan sonra badımcan "qarmon"unu iki dilimi bitişik olmaqla ayırın. Lap nazik olanları atmayın, qiyməyə əlavə edin. Bitişik cüt dilimləri dayaz boşqaba yığıb üzərinə duz səpin. Şirəsi çıxanadək saxlayın. Badımcanın artıq qalan dilimlərini xırdalayıb qiyməyə qatın. Xırdalanmış soğanı, soya sousunu, küncüt yağını, küncüt toxumlarını, duz-istiot vurub qiyməni yaxşıca qarışdırın. Badımcanları soyuq su ilə yuyub salfetlə qurulayın. Hər cüt dilimin arasına 1 qaşıq qiymə qoyub içiylə bir yayın. Klyar: yumurta, duz, su və unu qarışdırın. Hər cüt dilimi klyara batırıb bitki yağında hər üzünü 3-4 dəqiqə olmaqla qızardın. Yağını bol edin. Bişmiş badımcan "dolma"larını salfetin üzərinə düzün ki, artıq yağını çəksin. Süfrəyə isti-isti, soya sousu ilə verin.