Tərkibi: 1 bağlama nazik lavaş 250-300 q qiymə 1 soğan 2-3 yumurta ketçup xama və ya mayonez duz istiot ədviyyat pendir
Hazırlanması: Qiyməni kotlet üçün hazırladığınız qaydada doğranmış soğan, duz-istiotla qarışdırın. Sonra lavaşların üzərinə nazik, bərabər qat çəkib 10-15 dəqiqə saxlayın. Bu müddətdə lavaş qiymənin şirəsini hopduracaq və daha elastik olacaq, bükəndə də cırılmayacaq. Lavaşları səliqəylə rulet kimi bükün. Formanı yağlayıb ruletləri spiral kimi, yaxud yanaşı düzün (formanın ölçüsü və formasından asılıdır). Yumurta, xama (mayonez), ketçup və ədviyyatı qarışdırın, duz vurun. Bunu lavaş ruletlərinin üzərinə bərabər qaydada tökün. Bu sous ruletləri tam örtməli, hətta 1-2 sm üzərinə çıxmalıdır. Çobada 30 dəqiqə bişirin. Hazır olmamışdan 5-10 dəqiqə əvvəl üzərinə sürtgəcdən keçirilmiş pendir səpin.