Tərkibi: 2 ədəd xəmir 4 xörək qaşığı zeytun yağı 4 ədəd soğan 250 qr ağ pendir 1 çay qaşığı istiot 1 stəkan süd 1 ədəd yumurta ½ stəkan zeytun yağı 1 ədəd quru qırmızı bibər 2 xörək qaşığı quş üzümü 1 xörək qaşığı çörək otu
Hazırlanması: Bişirmədən əvvəl sobanı 200 dərəcə isinməyə qoyun. 4 ədəd soğanı yarım halqalar şəkilində doğrayın. Soğanları 4 xörək qaşığı zeytun yağında 10-15 dəqiqə qovurun. Soğanlar qəhvə rənginə dönüşüb yumşalandan sonra götürün. Sonra içinə 2 xörək qaşığı quş üzümü, 1 çay qaşığı istiot və incə- incə doğranmış qırmızı bibəri əlavə edin. Balaca cam qaba yumurta, süd və ½ stəkan zeytun yağını əlavə edib çalxalayın. Hazırladığınız bu sous börəyin içinin yumşaq, üstünün xırtıldayan olmasına kömək edəcək. Soba qabını yağlayın, xəmirin birini iki qatlayıb yayın, üzərinə bu sousdan hərtərəfli tökün. 250 qr ağ pendiri kub şəkilində doğrayıb əlavə edin. Pendir duzlu olduğundan artıq duza ehtiyac yoxdu. İkinci xəmiri aralarına sousdan tökərək qat-qat yayın. Üzərinə 1 xörək qaşığı çörək otu səpin. Sobaya qoyub yarım saat bişirin.