Tərkibi:
0,5 dəstə cəfəri
1 x.q. limon şirəsi
duz
2 x.q. soyudulmuş xama
2 kartof
0,5 dəstə şüyüd
1 baş soğan
böyük dəstə gicitkən (100 q)
1 yerkökü
bitki yağı
Hazırlanması:
Kartofu təmizləyin. Qazanda yarım litr suyu qaynadın. Duz səpin, kartofu içində tam bişirin. Suyunu atmayın. Qaynar kartofu püre halına salın, xamayla qarışdırın, sonra yenidən qazandakı suya əlavə edin, qarışdırın. Orta itilikli odda bişirin.
Soğan və yerkökünü təmizləyin. Saman kimi doğrayıb bitki yağında 4 dəqiqə qovurun. Şorbaya əlavə edin.
Göyərtiləri yuyun, qurudun. Xırda doğrayın. Gicitkənin üstündən qaynar su axıdın, sonra digər göyərtilərlə birlikdə şorbaya əlavə edin. Limon şirəsi, duz, istiot əlavə edin. 2 dəqiqə sonra ocaqdan götürüb boşqblara çəkin.