Tərkibi:
1 l tərəvəz və ya toyuq bulyonu
1/3 st. düyü
duz
2 dəfnə yarpağı
bir neçə dənəvər qara istiot
0,5 baş soğan
2 kartof
1 yerkökü
250 q brokkoli
1 diş sarımsaq
1 x.q. cəfəri qurusu
Hazırlanması:
Bulyonu qaynadın, yuyulmuş düyünü əlavə edin. Duz, dəfnə yarpağı, istiot, doğranmış sarımsaq və baş soğanın yarısını əlavə edin (bəziləri soğanı sevmirlər, o zaman soğanı doğramayın, şorbaya bütöv əlavə edin, bişdikdən sonra çıxarın).
Yerkökü və kartofu kubik doğrayın. Brokkolinin çiçəklərini ayırın. Tərəvəzləri bulyona əlavə edin. 20 dəqiqə, qazanın qapağı bağlı olmaqla vam odda bişirin. Tərəvəzlər yumşalınca şorba hazır olur.