Tərkibi:
1 ədəd toyuq
250 q. soğan
250 q. kök
250 q. göy soğanın saplağı
120 ml. yağlı gaymaq
250 ml. toyuq şorbası
30 q. ələnmiş un
1/4 ç. q. quru kəklik otu
1 ç. q. xirda doğranmış sarımsaq
çəfəri (bəzək üçün)
duru yağ
duz,
istiot
Hazırlanması:
Əvvəlcə toyuq ətini doğrayırıq, sonra quru dəsmal ilə qurulayırıq.
Sonra duru yağda azca qızardırıq.
Elə həmin tavada duru yağda, xırda doğranmış baş soğan və sarımsağı qızardırıq.
Qızılı rəng aldıqda soğanın üzərinə un əlavə edirik, qarışdırırıq və 2-3 dəqiqə yenə qızardırıq.
Sonra isə, ağ çaxır əlavə edib yaxşıca qarışdırırıq, qaynara düşəndə, toyuq şorbasını əlavə edirik.
Yenə qaynara düşəndə, kəklik otunun qurusunu, duz, istiotu əlavə edirik. Yenə 2-3 dəqiqə qaynadırıq və söndürürük.
Hazırladığımızı bir qazana tökürük, üstünə də qızarmış toyuq ətini yerləşdirib ağzını da örtürük.
Və 180 dərəcə isidilmiş sobaya yerləşdirib 40 dəqiqə bişiririk.
Bu ərəfədə kökü dördkünc şəkildə doğrayırıq və soğanın saplağını da xırda doğrayırıq, qarışdırırıq.
Və duru yağda govururuq.
Sonra isə, sobadan qazanı ehtiyatla çıxardırıq və içindən ətləri ayırırıq, ağzını örtürük ki, soyumasın.
İndi isə, şorbasını kəfkirlə, ya da ələkdən süzürük. Sonra həmin duru şorbaya qaymağı əlavə edirik, duz, istiot və azca da soyuq su əlavə edirik. İndi bu qazanı, vam odda şorba azca qatılaşana qədər qaynadırıq.
Sonra qızarmış köklə, soğanı əlavə edirik. Sonra da toyuq ətini əlavə edirik.
Süfrəyə verməzdən əvvəl yenidən isidib servis edirik.
Toyuq ətindən isti yeməyimiz hazırdır.