Qarğıdalı ən faydalı tərəvəzlərdən biridir. Onu, adətən, salatlara əlavə edirlər. Ancaq qarğıdalıdan bir-birindən ləzzətli yeməklər və şorbalar da bişirmək olar.

Tərkibi:
50 qram qarğıdalı (konservləşdirilmiş)
Yarım kiloqram pomidor
5 qram kərə yağı
Yarım çay qaşığı şəkər tozu
2 ədəd dəfnə yarpağı
Duz
İstiot

Hazırlanması:
Pomidoru rəndələyin və ya xırda-xırda doğrayın. Kərə yağını tavaya töküb əridin. Pomidoru həmin yağda bişirin. İstiotu, dəfnə yarpağını əlavə edin. Yarım litrdən bir az çox su əlavə edib qaynadın. İçərisinə şəkər tozu, duz və qarğıdalını əlavə edəndən sonra 5 dəqiqə bişirin.
İsti halda süfrəyə verin.

Nuş olsun!