Sağlam ürək üçün ot çayları

Müəllif: emis
Şərhlər: 5
Baxılıb: 3 492
Səs ver:
(səs: 2)
Bəzi müalicəvi otlar var ki, bu otlar ürəyin fəaliyyətinə çox müsbət təsir edir - ürək damarlarını genişləndirir, spazmaları və ödemləri aradan qaldırır, ürəyin fəaliyyətini yaxşılaşdırır, sakitləşdirir, nevrozla mübarizə aparır və s.

Sizə bu otlar əsasında çox faydalı ot çayları təqdim edirik. Ürək xəstəlikləri olan insanlar bu çayları əsas müalicə ilə yanaşı təbii müalicəvi vasitə kimi qəbul edə bilərlər.

1. Pişikotu kökləri - 1 xörək qaşığı, nanə - 1 xörək qaşığı, badrənc - 1 xörək qaşığı, yemişan meyvələri (həvəngdəstədə əzin) - 1 xörək qaşığı qarışdırılır. Qarışıqdan 1 çay qaşığı götürülür və 1 fincan (100ml) qaynar suda dəmlənilir. Çay qida qəbulundan 30 dəqiqə əvvəl qəbul olunur. Qəbul etdikdən əvvəl çaya 1/2 çay qaşığı bal və limon əlavə etmək olar.

2. 1 xörək qaşığı razyana, 1 xörək qaşığı mayaotu toxumu, 1 xörək qaşığı nanə, 1 xörək qaşığı badrənc qarışdırılır. Qarışıqdan 1 çay qaşığı götürüb 1 fincan qaynar suda dəmləyin. Çay qida qəbulundan 30 dəqiqə əvvəl qəbul olunur. Qəbul etdikdən əvvəl çaya 1/2 çay qaşığı bal və limon əlavə etmək olar.

3. Çobanyastığı - 1 xörək qaşığı, razyana - 1 xörək qaşığı, nanə - 1 xörək qaşığı, pişikotu kökləri - 1 xörək qaşığı qarışdırılır. Qarışıqdan 1 çay qaşığı götürüb 1 fincan qaynar suda dəmləyin. Çay qida qəbulundan 30 dəqiqə əvvəl qəbul olunur.

4. Tozağacı yarpaqlarından dəmlənmiş çay hipertoniya zamanı çox xeyirlidir. 1 çay qaşığı xırda doğranmış təzə tozağacı yarpaqları 1 fincan qaynar suda dəmləyin və çay kimi gündə 2 dəfə qida qəbulundan əvvəl için.

5. 1 xörək qaşığı adaçayı, 1 xörək qaşığı pişikotu, 1 xörək qaşığı nanə, 1 xörək qaşığı kalendula qarışdırılır. Qarışıqdan 1 çay qaşığı götürüb 1 fincan qaynar suda dəmləyin və qida qəbulundan 30 dəqiqə əvvəl için.

Çayları növbələşdirmək olar. Gün ərzində bu müalicəvi çaylardan 2 fincan qəbul etmək olar. Çaya bal və limon da əlavə etmək olar.  Çayları uzun müddət ərzində - 1-2 ay - qəbul etmək olar. Daha sonra 1 ay fasilə verin və müalicəni təkrarlayın.
(səs: 2)
Şərhlər: 5
Baxılıb: 3 492
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri