Tərkibi:
1 ədəd kiçik xiyar
1 ədəd yetişmiş avokado
250 qr az yağlı qatıq
1 ədəd kiçik orqanik limon
1 ədəd kiçik acı yaşıl bibər
4 ədəd keşniş
Duz
İstiot
Üzərini bəzəmək üçün: quşüzümü, diş çubuğu
 
Hazırlanması:
Xiyarı soyun və ikiyə bölün, dənələrini çıxardıqdan sonra dilimləyin. Avokadonu ikiyə bölüb dənələrini çıxarın və qabığını çıxarın. Xiyar və avokadonu blendrdən keçirin. Limon qabığını rəndələyin və suyunu sıxın. Yaşıl bibərin çəyirdəklərini çıxarıb incə-incə doğrayın. Keşnişi yuyandan sonra qurudun. Bəzəmək üçün bir az ayırıb yerdə qalanını doğrayın. Bütün bunları blendrə əlavə edib püre halına gətirin. Duz və istiotla dadlandırın. Soyuducuda soyudun.
Diş çubuqları üçün xiyarları yuyub uzun çox incə dilimlərlə kəsin. Diş çubuqlarından keçirin, smoothini qarışdırıb stəkanlara tökün.

Nuş olsun!