Tərkibi: 500 q cherry pomidor 500 q şəkər tozu 1,5 su stəkanı su 2 ədəd orta boy limon 1 ədəd (0,5 qram) mastika 1 ədəd çubuq darçın 5 ədəd mixək 100 qr duzsuz badam
Hazırlanması: Su və toz şəkəri dərin bir qazana köçürün. Mastikanı əlavə edin və şəkəri əriməsi üçün bir mikser köməyi ilə qarışdırın. Çubuq darçın və mixəkləri də əlavə etdikdən sonra şərbət materialını tünd bir konsistensiya alana qədər orta odda qaynadın.
İsti suda saxladığınız duzsuz badam qabığını təmizləyin. Cherry pomidorları bütün olaraq bol suda yuyun. Pomidorlar və qabıqlarını soyduğunuz duzsuz badamları, şərbət qarışığına köçürün. Pomidorlar partlayıb yumşalana qədər təxminən 30 dəqiqə, zəif odda mürəbbəni qaynadın.
Mürəbbə çox qarışdırmamağa və rənginin daha aydın olması üçün səthə çıxan ağ köpükləri alıb, ayrı bir kənarda saxlamağa diqqət göstərin. Limon qabığını ağ hissələrini olmadan rəndələyin, ortadan ikiyə kəsdikdən sonra sularını sıxın.
Konsistensiya alan mürəbbəyə rəndələnmiş limon qabıqları və suyunu əlavə etdikdən sonra 5 dəqiqə daha bişirin və ocağın altını bağlayın. Ədviyyatlı pomidor mürəbbəni soyudandan sonra bankalara boşaldıb, ağzını möhkəm bağladıqdan sonra soyuducuda ya da günəş görməyən bir yerdə, otaq temperaturunda mühafizə edin.