Hamı qırmızı acika hazırlayır, onu alır, onu yeyir. Amma mədə-bağırsağında problem olanlara pomidor zərərli olduğu üçün onlar acika yemir.
Sizə faydası qırmızıdan da çox olan yaşıl Acikanın reseptini təqdim edirik.
Tərkibi olduqca zəngin bu acikanı qışda yeməklərə qata, yanında verə və ya çörəyə çəkib yeyə bilərsiniz.
Tərkibi: Yaşıl bolqar bibəri – 500 qr Uzun acı bibər – 500 qr Şüyüd, cəfəri, selderey – hərəsindən 250 qr Sarımsaq -5 diş Keşniş toxumu – 1 xörək qaşığı Sirkə - 1 xörək qaşığı Duz
Hazırlanması: Bibərlər və göyərtilər yuyulub, təmizlənib, ətçəkəndən sarımsaqla birgə keçirilir. Ədviyyatlar, duz qatılıb, sirkə qatılıb, bankalara yığılır. Soyuducuda və ya sərin yerdə saxlanılır.