Tərkibi:
Bir ədəd 2 litrlik banka üçün:
1 kq zoğal
2 stəkan şəkər tozu
1 ədəd metalik banka qapağı
banka bağlayan açar
qaynar su ilə dolu çaynik
sterilizə etmək üçün qazan

Hazırlanması:

1. İnqredientlər hazırlanır.
2. İlk olaraq zoğal təmiz yuyulur. Sonra təmiz 2 litrlik banka götürülür və qaynar su ilə yaxalanır.
3. Zoğalı bankaya töküb üzərinə şəkər tozu əlavə edilir.
4. Qaynar suyu bankanın ortasına qədər töküb, bankanı sirkələyirik ki şəkər tozu həll edilsin.
5. Qaynar su ilə banka tam doldurulur.
6. Bir qazanda sterilizə etmək üçün su qaynadılır. Qaynar suyun dibinə parça qoyulur, onunda üzərinə banka yerləşdirilir. Orada banka 12 dəqiqə qalıb sterilizə olunur.
7. Sonra ehtiyyatla banka qazandan çıxarılıb, qapağı banka bağlayan açarla bağlanılır.
8. Bankanı qapağı üzərinə çevirib soyumağa saxlayırıq. Əgər dibində həll edilməmiş şəkər qalarsa, yüngülcə bankanı sirkələmək gərəkdir.