"Qızardılmış kartofu qışa saxlamağın nə mənası var ki?" - bəziləri soruşa bilərlər. İşdən yorğun gəlib xörək hazırlamağa həvəsi olmayanlar, yaxud uzaq yola nə götürəcəyini fikirləşənlər üçün isə bu resept göydəndüşmədir.

Tərkibi:
3 kq kartof
500 q baş soğan
500 q bitki yağı
30 q 9%-li sirkə
30 q şəkər tozu
30 q duz
ədviyyat (zövqə görə)

Hazırlanması:
Soğanı xırda doğrayıb vam odda 10 dəqiqə yağda qovurun. Duz, şəkər tozu, sirkə əlavə edib qarışdırın.

Kartofu kubik doğrayın. Soğanla qarışdırın, zövqə görə ədviyyat əlavə edib vam odda arada qarışdıraraq 1 saat bişirin.

Qaynar salatı sterilizə edilmiş bankalara yığın, qaynadılmış qapaqları ağzına qoyun, bankaları 15 dəqiqə sterilizə edin, sonra qapaqlarını bağlayın.

Nuş olsun!