Duzlu limon resepti

Müəllif: Mr. OffiCeR
Şərhlər: 7
Baxılıb: 4 663
Səs ver:
(səs: 4)
Duzlu limondan plov, salat, toyuqdan tajin hazırlayarkən istifadə etmək, həmçinin qızardılmış balıqla süfrəyə vermək olar.

Tərkibi:
12 ədəd xırda, mumsuz limon
2 darçın budağı
2 dəfnə yarpağı
7-10 ədəd dənəvər qara istiot
200 q iri dəniz duzu

Hazırlanması:
Limonların yığılacağı bankanı əvvəldən sterilizə etmək lazımdır.

Çalışın, xırda limon seçəsiniz. Əgər üstü mumla örtülüdürsə, fırçanın köməyilə yaxşı-yaxşı yuyun.

Limonların dörd yerə bölün, amma kəsimi dibinədək aparmayın, təxminən limonun 3/4-ü qədər kəsin. Yəni öz aralarında bitişmiş 4 dilim alınsın.

Hər limonun kəsimlərinin arasına 1 ç.q. iri duz (ən yaxşısı, dəniz duzu) səpin, qıraqlarını əlinizlə ortaya sıxın.

Sterilizə edilmiş bankanın dibinə 1-2 ç.q. duz səpin, 1 budaq darçın, dəfnə yarpağı, dənəvər istiot düzün. Sonra limonları sıx-sıx yığın. (Bankada hava qalarsa, tutma qıcqırar).

Bankanı yarısınadək doldurandan sonra dəfnə yarpağı, ikinci darçın budağını, istiot dənələri qoyun, üstünü yenə limonla doldurun. Üstünə təxminən 5 limonun şirəsini sıxın.

Bankanın ağzınadək qaynadılmış soyuq su tökün.

Bankanın ağzını möhkəm bağlayın. Soyuducuda, yaxud soyuq və qaranlıq başqa bir yerdə 1 ay saxlayın. Hərdən bankanı çevirin ki, duz bərabər yayılsın.

Nuş olsun!
(səs: 4)
Şərhlər: 7
Baxılıb: 4 663
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri