Qış ayında göyərti az tapılır, buna artıq adət etmişik. Yəqin ki, çoxunuz qış üçün dondurulmuş ərzaqlar haqqında məlumatlısınız və əksəriyyətiniz artıq bunu etmisiniz belə. Bu gün diqqətinizə göyərtini donduraraq necə saxlamaq lazım olduğunu çatdıracam. Bəlkə işinizə yarayar.
Tərkibi:
Göyərti
Su
Hazırlanması:
Göyərti təmizlənir, yuyulur, doğranır. Soyuducunun buz üçün nəzərdə tutulmuş qabına, ya da içində peçenye və ya konfet aldığınız hər hansı formalı qaba yerləşdirilir. Üzərinə çıxanacan adi su tökülür, buzxanada dondurulur. Təravətli göyərti qışın oğlan çağında, istədiyiniz vaxt yeməklərinizi dada gətirə biləcək. Hazırlayın, sınaqdan keçirin, əziz xanımlar.