Tərkibi: 5 orta boy bolqar bibəri 2 orta boy badımcan 1 dəstə şüyüd 1 dəstə cəfəri 2 baş sarımsaq 3 ədəd ağ dənəvər istiot 1 dəfnə yarpağı qovurmaq üçün bitki yağı
marinad: 125 ml su 50 q şəkər tozu 0,5 x.q. duz 25 ml 9%-li sirkə (bu ərzaq 1 l-lik banka üçündür)
Hazırlanması: Bolqar bibərini yuyun, toxumlarını çıxarın. Qaynayan suya salıb 5 dəqiqə bişirin, sonra çıxarıb bir qaba yığın. Badımcanları təmizləyib 0,5 sm qalınlıqda uzunasına dilimlərə doğrayın. Tavada bitki yağını qızdırıb badımcanların hər iki üzünü qızardın. Azca duz vurun. Göyərtini xırda doğrayın, sarımsağı əzin, ikisini yaxşıca qarışdırın. Badımcan dilimlərinin üzərinə göyərti-sarımsaq qarışığı səpib rulet kimi bükün. Sonra bu ruletləri bibərlərin içinə doldurun. Təmiz bankanın dibinə dəfnə yarpağı və dənəvər istiot qoyun. Bibərləri içinə yığın. Marinad: Suyu şəkər tozu və duzla qaynadın, sirkə əlavə edin. Marinadı bankadakı bibərlərin üzərinə tökün, bankanı 40 dəqiqə (1-litrlik) sterilizə edin. Qapağını bağlayıb soyuq yerdə saxlayın.