Evdə toyuq filesi və badımcan varsa, bu dadlı kotletləri hazırlaya bilərsiz. Həm də badımcanın mövsümüdür.

Tərkibi:
Toyuq filesi – 400 qr
Badımcan – 2ədəd
Soğan -1 ədəd
Sarımsaq -1 diş
Yumurta -1 ədəd
Suxarı
duz, istiot
Bitki yağı 

Hazırlanması:
Badımcan soyulub, iri doğranılır. File yuyulur, orta ölçüdə doğranılır. Blenderdə doğranmış badımcan, soğan, sarımsaq, toyuq qarışdırılır. Ətçəkəndən də keçirmək olar. Duz, istiot, ədviyyat, yumurta vurulub qarışdırılır. Farş soyuducuda 20 dəqiqə saxlanılır.

Əllərinizi suya batırmaqla, farşdan kotlet forması düzəldilir. Suxarıda batırıb, isti yağda ikitərəfli qızardılır. 

Nuş olsun.