Tərkibi:
4 ədəd orta boy kartof
duz
istiot
quru nanə
muskat
bir qədər cəfəri
1 litr su

Qiyməsi üçün:
150 qram qiymə
1 kiçik boy soğan
duz
istiot
2-3 y/q duru yağ

Servis üçün:
1 kasa qatıq
2 diş sarımsaq

Sous üçün:
1 y/q pomidor pastası
2 y/q kərə yağı
duz

Hazırlanması:
Kartofları soyun və iri kublar halında doğrayın. Qazana əlavə etdiyiniz kartoflara duz və su əlavə edərək yumşalana qədər qaynadın.

Qaynadılmış kartofları süzün, qazana duz, istiot, quru nanə əlavə edərək əzin.

Hazırladığınız püredən yumurta böyüklüyündə parçalar qoparın. Barmağınızla ortasına dəlik açaraq genişlədin.

Hazırladığınız kartofları servis qabına yığın.
Duru yağı qazana əlavə edib, xırda-xırda doğradığınız soğanı və qiyməni əlavə edərək qiymə suyunu çəkənə qədər bişirin. Qazın üstündən götürmədən əvvəl duz və istiotla dadlandırın.

Kartofların içlərinə qiyməli içliyi bölüşdürün.
kartoflu mantıların üstünə sarımsaqlı qatıq gəzdirin.

Son olaraq tomatlı sous gəzdirin və cəfəri səpin.

Nuş olsun!