Qadınla.Com saytı bu dəfə sizə makaron tortunun hazırlanma qaydasını təqdim edir.

Tərkibi:
60 qr. super sun yağı
300 qr. qiymə
2 diş sarımsaq(əzilmiş)
4 x.q.pomidor püresi
3 ədəd sürtgəcdən keçirilmiş pomidor
1 ç.q. duz
1 ç.q. istiot
1 paket qalın kəsmə makaron
80 qr. toz parmezan pendiri
100 qr. sürtgəcdən keçirilmiş holland pendiri

Hazırlanması:
Makaronlar qaynar suda təxminən 8-10 dəqiqə bişirilir. Suyu süzülən makaronlar parmezanla qarışdırılır. Yağlanmış kek qabına makaronlar dik formada düzülür. İsidilmiş tavada yağ əridilir, qiymə qovrulur. Sarımsaq, pomidor püresi və sürtgəcdən keçirilmiş pomidor əlavə edildikdən sonra pomidorlar bişənə qədər orta odda bişirilir. Duz və istiot səpilir. Makaronların üzərinə qiyməli qarışım əlavə olunur. Holland pendiri səpilib 190 dərəcədə 15 dəqiqə bişirilir. Bişdikdən sonra 10 dəqiqə saxlanılır, sonra servis edilir.

Nuş olsun!