Ispanaq Çığırtması - Foto Resept

Müəllif: Mr. OffiCeR
Şərhlər: 3
Baxılıb: 5 051
Səs ver:
(səs: 2)

İspanaq vitamini bol olan tərəvəzlərdəndir. Dəmir çatışmazlığının ən güclü dərmanlarındandır. Mən ispanağı tək başına bişirildiyində çox bəyənməsəmdə, yumurtayla bişirilən halını bəh-bəhlə yeyirəm. Sizə də məsləhət görürəm.

ISPANAQ ÇIĞIRTMASI

4 porsiya üçün nəzərdə tutulub

Ərzaqlar

1 kilo ispanaq
5 xörək qaşığı duru yağ və ya kərə yağı
1 baş soğan
zövqə görə duz
zövqə görə istiot
4 yumurta

Sarımsaq-Qatıq üçün
1 stəkan qatığa 2-3 diş əzilmiş sarımsaq əlavə edib qarışdırın

1. İspanağı yaxşıca yuyun və süzün.

2. İri qazanı suyla doldurun və qaynadın. İspanağı suya salıb təxminən 3 dəqiqə ərzində pörtlədin.


2. İspanağı sudan çıxardın və aşsüzənə qoyub süzün. Suyunun tamamilə çıxması üçün ispanağı əlinizlə sıxın. Süzülmüş ispanağı iri-iri doğrayın.

 


3. Tavada yağı qızdırın. Soğanı xırda-xırda doğrayıb tavaya əlavə edin və təxminən 7 dəqiqə ərzində qızardın. Üstünə ispanağı əlavə edib, təxminən 5-10 dəqiqə bərabər qızardın. Zövgə görə duz və istiot vurun.

 


4. Yumurtaları bir qaba qırıb qarışdırın. İspanağın üstünə tökün. Yumurta hər tərəfə yayılsın deyə, tavanı o tərəf bu tərəfə əyin. Tavanın qapağını örtün və təxminən 7-10 dəqiqə ərzində, və yaxud yumurta bərkiyənə qədər qarışdırmadan bişirin.

 

5.Süfrəyə sarımsaq-qatıqla verin. Nuş Olsun!

(səs: 2)
Şərhlər: 3
Baxılıb: 5 051
Geriyə
Hörmətli Qonaq, saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

İnformasiya

Qonaq qrupunda olanlar istifadəçilər bu xəbərə şərh əlavə edə bilməz.
Bölümlü Hekayələr

Müzakirələr

Bürclərlə BİZ

Xəbər lenti

Astrologiya

Qadın testləri