Tərkibi:
Buğda unu
Su
Çəkilmiş ət (mal əti, olar yarı qoyun, yarı mal əti)
Baş soğan
Duz, istiot
Lavaşana
Lavaşana olmasa, su ilə qarışdırılmış tomat pastası
Hazırlanması:
Çəkilmiş əti və soğanı qarışdırın, duz və istiot qatın. Sonra lavaşananı və ya tomat pastasını bu kütləyə əlavə edib, kənara qoyun. Sonra xəmiri hazırlayın una biraz ilıq su və duz qatın. Xəmirdən xırda, 70-100 qramlıq kündələr yoğurun. Kündələri dəsmalın üstünə yığın, üstünü selofanla örtün ki, kündələr qurumasın. 5-10 dəqiqə kündələr beləcə qalır. Sonra kündələri diametri təxminən 1 metrədək yayın. Kiçik bir boşqabla (diametri təxminən 20 sm) açılmış xəmirin üstündə dairələr kəsin. Xəmirin kəsilmiş hissələrini birləşdirib, yeni dairə kəsin. Beləliklə 6 dairə alınacaq. Hazırlanmış ət qiyməsi xəmir dairənin içinə qoyulur və aypara şəklində bükülür, qıraqlarını bərk-bərk yapışdırın. Qutablar yağda (bitki və yaxud əridilmiş kərə) qızardılır. Qutabları isti-isti süfrəyə qoyurlar. Qutabı sumaxla da təklif etmək olar. Qutabları yalnız ətlə deyil, eyni zamanda göyərtidən, boranıdan (balqabaq) hazırlayırlar.