Tərkibi:
4 st un
2 ədəd yumurta
200 q qaymaq
100 q kərə yağı
Yarım stəkan duru yağ
1 x.q maya
Duz
Apardığı qədər süd

İçi üçün:
Soyutma kartof
Keşniş
Şüyüd
Soğan
Duz
İstiot

Üzəri üçün:
1 ədəd yumurta
Küncüt

Hazırlanması:
Ərzaqları qarışdırıb yumşaq xəmir yoğururuq və mayalanmağa qoyuruq.
Mayalandıqdan sonra 2 kündəyə bölürük.
İçliyi hazırlamaq üçün soyutma kartofu əzirik, göyərtini xırda-xırda doğrayırıq.
Əzilmiş kartofu, doğranmış göyərtini, soğanı, duz və istiotu qarışdırırıq.
Kündənin birini yayırıq.
Listə kalka kağızı qoyuruq və yağlayırıq.
Yayılan xəmiri listin içinə qoyuruq.
Xəmirin ortasına 1 kasa kartofdan qoyuruq, qıraqlarına da halqa formasında kartof püresini qoyuruq.
İkinci kündəni yayıb kartofun üzərindən qoyuruq, qıraqlarını kəsirik ki, səliqəli olsun.
Börəyin ortasına kasanı qoyuruq. Qıraqlarını 2 barmaq qalınlığında kəsirik.
Çiçəyin ləçəklərini düzəldirik. Bunun üçün kəsilmiş hissələri yan üstə çeviririk.
Çiçəyin ortasına yumurtanın sarısını vurub küncüt səpirik, ləçəklərinə yumurtanın ağını çəkirik.
180 dərəcəli sobada bişiririk.Çiçək börəyimiz hazırdır.

Nuş olsun!