Tərkibi:
1 kilo bölgə balığı (beluqa) – tikələrə bölünmüş
2 ədəd pomidor – qabığını soyub, doğrayın (2 stəkan alınmalıdır)
1 ədəd yaşıl bibər – doğrayın (1 stəkan alınmalıdır)
1 ədəd kərəviz sapı – doğrayın (yarım stəkan alınmalıdır)
Yarım stəkan doğranmış cəfəri
2 ədəd dəfnə yarpağı
1 ədəd kiçik limon – 4 dilimə kəsilmiş
4 xörək qaşığı kərə yağı
Duz, istiot

Hazırlanması:
Qazan və ya dərin tavanın dibinə balıqları düzün. Duz-istiot səpin.
Qalan ərzaqları bu qaydada balığın üstündən lay-lay düzün – pomidor, bibər, kərəviz, cəfəri, dəfnə, limon, kərə yağı. Qazanın qapağını örtün və buğlamanı vam oddan təxminən 30 dəqiqə ərzində, və yaxud balıq bişənədək bişirin. Çörəklə süfrəyə verin.

Nuş olsun!